朝聖晏菲路指南：第一章　購票－利事道來

上為2011年透過本會代訂的門票，KOP Stand兼相連位，唔錯唔錯！不過現時經本會訂票的利迷, 有關訂票記錄已載入其官方會員証，入場時出示証件便可。至於座位，去前英國方面會有電郵通知，到時印定一份去便可。
注意:本球迷會已可為會員代訂門票, 請看置頂另文的介紹。

利記購票方式一向較為落後和僵化，但近年已有些改善。持有LFC官方的Full 或Light Membership的本會會員除了可透過本會訂購部份場次門票(以2013/2014球季計共6場)，亦可自行網上訂票。本部份只會集中介紹此兩方法的訂票安排。

1)憑LFC官方的 full 或 light Membership自行網上訂票
在此節將介紹網上訂票，並會以2013/14上半季的安排作講解。現先將英超聯比賽對手分類, 方便大家理解：-
Category A games: Arsenal, Chelsea, Everton, Manchester United, Manchester City, Tottenham Hotspur,Newcastle United Category B games: Aston Villa, Sunderland, Norwich City, Fulham, Swansea, WBA
Category C games: Crystal Palace, Stoke City, Hull City, Southamption, Cardiff City

2013/2014球季上半季主場英超聯賽事共9場(至12月31日)，可憑有效會藉透過網上訂票, 但須在訂票24小時前完成登記會藉工作。另外, 全季的Hospitality ticket或官方認可的Thomas Cook Holiday Package亦在網上同步發售(但可無需官方membershio)。有關安排如下:

Cat A賽事1場，第一天(9/7)只供上年度看過13場或以上英超聯主場賽事的會員(International 除外)訂購。第二天開售(11/7)需有7場或以上上季英超聯主場賽事購票記錄。

Cat B 賽事共4場
第一天(9/7)只供上年度看過13場或以上英超聯主場賽事的會員訂購。第二天(11/7)開售只需持會員証(International 除外)即可訂購。

Cat C 賽事共4場
兩場Cat C 比賽於7月10日及12日以先到先得方式網上訂購, 無需過往入場記錄。

分享:
i)上述流程顯示, 由於需在上季有13場以上入場紀錄方可在第一天購買Cate A及B票，相信各位本地利迷也難以第一天(11/7)便直接購到Cat A或B賽事。
ii)雖然Cat A賽事較難訂, 但在論壇上過往亦有本地利迷成功以此方法訂到對MAN CITY, chelsea, spur的門票, 但當中Cate A的Manu及Everton為A中之A, 本地利迷唔好期望可用此方法買到飛。
iii)Cat C賽事由於需求較低, 加上無需過往入場紀錄, 最易買到。
iv)雖然各場賽事的餘票會在指定日子公開讓會員以網上或致電訂購, 但以過往兩季觀察, 在該日子前只會剩下兩三場較後日期較弱戲碼的賽事有票可訂。
v)網上訂票當日要注意的事項, 可找一些論壇內門票開賣時的post看看, 參考版友的成功經驗。
vi)無論從何途徑訂票, 均需考慮聯賽賽程或會受盃賽賽期影響而臨時改動。以2013/14年度為例, 聯賽盃決賽在3月2日, 足總盃4強為4月12/13日，一旦利記或同期英超對手進入此階段, 聯賽便要改期。選擇訂票日子時應加以考慮。以下為相關網址:-
歐聯/歐協(2013/14年度不適用)  www.uefa.com
聯賽盃 www.capitalonecup.co.uk
足總盃 www.thefa.com
vii)上半季尚有聯賽盃，大家都知道此盃入座率低, 經常弱陣, 但如行程許可, 多看一場又有何妨，利記唔使打歐洲賽, 會在第2圈(8月)加入，2013/2014年度第3至5圈分別在9月下旬、10月下旬及12月中旬，賽程約在比賽前4星期抽簽後公佈, 詳情可到上述的聯賽盃網址查閱

viii)如未能訂到心儀的賽事門票, 可考慮改訂Hospitality ticket或官方認可的Thomas Cook Holiday Package (於以下再作介紹)
全季的Hospitality ticket或官方認可的Thomas Cook Holiday Package在上述憑証訂購期前已開售(可無需官方membership)。

2)網上訂票(可供非會員)

2.1)Hospitality Ticket
Hospitality Ticket以較高價錢買票，除了可一早計劃行程，也可有機會與前球員作親身接觸。最重要是你所花的錢，一分一毫全歸球會。

Hospitality Ticket除可在官網買到外，亦可致電當地購買。英超價錢由99鎊至近300鎊不等，另加20%消費稅。FA CUP對低組別可以低至65鎊(未連稅)。價錢視地點及戲碼有平有貴，可視乎你的需要購買。你所付出的價錢，將會得到包括一張餐廳coupon，一張門票及一冊場刊。而價錢的分別，主要是用餐地點不同，用餐地點又可分於球場內及場外徒步可達的地方。以下為四個場地共五款款待票的分別:-

地點                            價錢             幾多道菜                球票區域                         備註
No 7 Lounge                198至252鎊       4       Centenary 下層KN, KG
Bootroom pre-match 180至282鎊          3       Anfield Road Stand 225                            有小童價(65鎊)
Bootroom post-match  118.8至264鎊          2       Anfield Road Stand 226                         賽後進餐/ 有小童價(65鎊)
The Village                   118.8 至180鎊       1       Centenary 上層翼位                            非球會餐廳
George Edward          118.8至180鎊          1       Anfield Road Stand 228                         非球會餐廳
Hilton                            132 至180鎊       3       Anfield Road Stand 上層             遠離球場但有專車


其實重有其他地方, 包括 Reds Bar, Premier Club, Executive Box, Executive Club, Centenary Club, 睇波位置更佳, 過往亦可以訂到, 但近季開始這幾個地方改為要一次訂購全季賽事, 香港利迷要訂就要睇下季飛會否有剩, 球會將個別場次放出來俾利迷單買。

至於取飛方面，如果無特別要求，係會賽前約兩星期寄出, 但咁唔太穩陣, 亦對賽日前好多天已出發者唔方便，所以可考慮在訂票在remarks要求賽日取票，到時拿passport及有關信件到球場指定地方取便可。

要注意由2011/12球季開始，有部份球賽會有特別標明需有過往訂款待票記錄方可預訂。雖然如此, 但有版友試過訂一場註明要有以往訂購記錄對manu的賽事, 直接打電話亦可訂到。
詳細資料，可到以下瀏覽:-
http://hospitality.liverpoolfc.com/

2.2)Thomas Cook Holiday Package
Thomas Cook Holiday Package 為近年新增的安排，包一晚利市住宿、球票及場刊。最平159鎊一位(視戲碼而定, 對曼聯可達300鎊以上), 通常安排坐於Main Stand的block MF。以最平的package計, 扣除住宿和場刊, 球票倍多於原本價值。儘管如此，相比起早年Thomas Cook訂飛(唔包住宿)便要約120至150鎊, 或香港個別代訂英超門票的旅行社收約2000多元一張門票, 仍然較化算。但要注意，package提供的住宿通常離市中心較遠，要預留足夠交通時間。此外, 上述的價錢係以兩人共房計, 如果你一個人只買一張飛, 佔一間房, 需補回半間房的差價。如果留多過一晚, 加訂住宿成本會較一般推介的酒店高, 如果轉酒店亦費時失事。

選酒店貼士:
1)通常大家會選兩間早平位於機場附近, 一間Hampton由Hilton經營, 另一間Premier Inn, 兩間都3星級, 價錢相若, 建議大定都選Hampton, 位於機場出面, 重有巴士總站, 酒店內部質素同景觀亦較佳。
2)其實另有一間Novetel, 位於市中心, 通常再貴二,三十鎊, 接受到價位可以考慮, 因為位置真係幾好

3)General Sale (公開發售)
其實重有一個途徑, 唔需要有會員證, 就係general sale。General Sale係比賽前三星期推出(有時遇假期可以早到一個月前推出), 主要將剩餘的少量門票發售,一次可買4張, 來源包括但不限於以下幾方面:-
--球會hold起散唔哂有剩
--季票會員出席唔到, 經官方機制退飛俾球會, 球會再發售出來
--外地球迷會預訂但最後無付款確認的票
有無General Sale並不肯定,  試過季初個別場次係會無General Sale的。數量方面, 有多有少, 通常會季尾波較多, 球隊成績唔好亦會多一些, 2012年復活節對維拉有成二千飛, 但有時只有幾百飛, 以2013年3月對熱剌為例, 便只有7百張左右。
最新消息(2013年8月27日資料)：1314球季上半季所有cate B及C賽事均有General Sale

點買General Sale 球票
可以網上或打電話, 兩者的分別是, 網上訂會郵寄球票到指定地址,原則上唔可以在賽日在球場取，但打電話訂就可以要求在球場取票, 到時將確認球票電郵, passport及訂飛的信用卡出示便可取票。以香港球迷來說, 都係打電話訂及球場取飛最方便。如果網上訂又一定要到球場取票，便要訂後第一時間電郵球會，提出要求。

4)購買利記作客賽事的主場球迷飛
買客隊門票固然困難, 但買主隊門票亦非容易。各英超球會大都有membership制度, 一些中下遊球會登記做會員的收費更貴過利記。但亦有一些球會不需會員身份或沒有會員制度而可online買, 詳情可自行到各球會的網站查閱。
注意:購買利記作客賽事的主場球迷飛只從可行性討論, 並不代表本球迷會鼓勵本會會員/論壇會員”深入敵方陣地”

呼籲
--希望朝聖的應避免公佈安排時才入會，因為英國官方所給予的訂票期十分有限, 可供球迷訂票的日子往往只有三數天, 加上球票先到先得，所以應盡早成為英國官方及本會的會員。
--對未有加入本球迷會而希望下一球季上半季朝聖的朋友，亦應考慮盡快加入本會成為會員。雖然下年度的安排仍未公佈，但以本會過去經驗，有很多球迷希望朝聖而要求即時入會，但由於本會每年1月31日後已截止接受會員申請，因此愛莫能助。
--此外，每名會員只能憑英國官方的會員編號訂票, 每證每場訂一張, 日後成功訂票憑證入場，因此如有家眷/朋友一同前往，他們亦應加入本會，當然亦需同時有當地會員證。

International Membership Card

Box set內除有介紹會藉優惠的小冊子外，重有一支USB(內有S7專訪)及一支手感幾重的筆。