【原文載於主場新聞，一三年夏】
又一季了，各位利迷，你會點睇今季嘅利物浦呢？
作為利物浦球迷，不由情願地喺球季結束前兩個月就要為球隊作出回顧。點解？因為利物浦又一年同錦標無緣了，是時候作出簡單回顧，但筆者對前景仲喺樂觀的。
今季的利物浦的亮點無疑是蘇亞雷斯的表現，寫呢篇文時蘇亞雷斯已經喺聯賽入左21球。此子亦繼謝拉特後成為了利物浦的「icon」。相信黎緊嘅日子領隊羅渣士亦會繼續以蘇亞雷斯為進攻嘅核心。想特別一提，蘇亞雷斯今季表現比去季好（去季聯賽31場11球，今季30場22球），筆者認為有兩個原因：
進攻模式轉變
去季杜格利殊常排出傳統英式4-4-2陣式，利用兩翼進襲。但卡路爾搭蘇亞雷斯2個身價加埋超個五千萬鎊，踢出黎嘅效果「有目共睹」。加上新加盟的唐寧發揮不佳，導致兩位踢法迥異的雙箭頭各有各踢。今季羅渣士改以短傳小組行軍。全隊進攻以蘇亞雷斯為核心。蘇亞雷斯自然更加可以專心搵食。
收購
「In and Out」方面，今季整體收購比上季令人滿意。祖高爾離隊令球隊騰出更多薪酬空間。雖然開季的祖亞倫，波連尼等新兵雖然表現一般。但季中收購史杜烈治、高天奴表現對辧。其中史杜烈治的加盟令蘇亞雷斯如魚得水，亦為對手增添一個防守目標，大大減輕蘇亞雷斯既壓力。
展望方面，季中副隊長加歷查宣佈季尾結束球員生涯。相信有部分利迷鬆一口氣（笑）。近年加歷查表現走下坡是不爭嘅事實，但筆者認為一位為球隊踢足15年的老將，絕對能夠成為球隊未來發長的資產（曼聯的傑斯及史高斯的作用便是例證）。因此希望加歷查結束球員生涯後，留隊加入教練團，協助年青球員發展。今季多位小將如史達寧、威斯登、舒爾菲、蘇素等得到唔少上陣機會。經過一季的磨鍊，相信來季定可加強球隊的板凳深度。筆者認為利記正處於轉型階段，多位球員只是20多歲，在謝拉特、艾加、拉爾拿等資深球員帶領下，來季重返爭標行列絕不是夢想！
阿輝＠利迷會文學部
圖片來源：liverpoolfc.com
留言列表
